问米婆的故事

你有听过“问米婆“吗？知唔知乜野系问米婆啊？

早排，听亲戚话，有个问米婆好灵，所以我同屋企人就去问阿爸个事。。。

个日，同行嗝有阿妈，阿姐，阿哥，阿哥个女朋友同埋我，

阿婆俾我地一张纸，写低要问边个，八字，墓碑号码，
但系我地唔记得左个墓碑号码，不过阿婆话可以试下，请唔到唔收钱，

跟住，阿婆就问，
“你地要问谢胜文啊？”
“系啊”
“葬系边啊？”
“孝恩园”
跟住，阿婆就在纸上写低 “孝恩园”，
（对住阿妈问）“你系谢胜文个老婆啊？”
“系啊”

然后就用手系盒度揸左D米（真系一D），可能阿婆觉得D米太少，唔系几好意思， 就话：“今日好多人来问米啊”，跟住就将D米撒系地下，但系地下除左头先阿婆撒D米，无其他米嘞啵，莫非之前D人来问个阵，无撒米？。。。

开场啦~

阿婆念念有词，跟住就向住阿妈话：“老婆，我系谢胜文啊，你揾我上来乜事啊？”（奇怪，我没听过老公会对老婆甘称呼自己。。。）

“你系谢胜文啊？你知唔知边个来左？”
“我知，我老婆同仔女嘛”

“你记得你有几多个仔女吗？”
“唔。。。唔。。。（抬头望住我地）四个嘛” （四个？阿妈几时生多左一件？阿婆，你系唔系断人头计啊？。。。）

“你记得你以前住边度吗？”
“唔。。。唔。。。唔记得啰”
“唔记得？你唔记得以前住边度啊?"
“唔。。。我依家住系。。富贵山庄。。（望下张纸）唔。。孝恩园”（阿婆，问你以前住边度，你九唔搭八已经够啦，仲要搭错忝。。。）

“你记得你以前系边度做工吗？”
“唔。。。唔。。。”
“记得吗？”
“唔。。。。。。唔。。。。。。唔记得左”（阿爸静系做过一份工，一做就做左二三十年，有无可能会唔记得啊？）

跟住，唔知系唔系发觉自己错漏百出，阿婆抬头话：“请唔到喔”，揸到我地哔哔声。。。。

阿婆，请唔到就唔好扮请到，乱认乱答啦。。。(-_-")